اسفين يا أمنا

حرام علينا لو سبناهم يختلوا بيكي يا أمنا
طول عمرك عفيفه وانتي الشريفه يا أرضنا
حبسونا وسابوا كلابهم بأرضك تنهش وهي سارحه شرفنا وعرضنا
ضحكوا لمّا قولنا إن بلادنا ديه دي مصدر عزٍّنا
ضحكوا لمّا قولنا إنك راجعه تاني وخيرك عندنا
ضحكوا قاموا قالوا دقّوا قاموا رقصوا احنا اللي حكمنا ومين غيرنا هنا
ضحكوا قالوا ضاعت شاوروا فوق سريرهم لاقيت العفيفه ضاعت منّنا
لاقيتهم شلٍّه واقفه مين مستنٍّي دوره ومين ذلٍّنا
اسفين يا أمنا
اسفين يا أمنا ولا ألف دمع منّا يجبر كسرنا
اسفين ومش بإيدنا ولا ألف ضحكه تقدر تمحي همنّا
اسفين أسروكي منٍّا وخسرنا حربنا
دلوقتي حالنا يكسف والخوف شاع عشش جوه بقلبنا
لوعوزناكي يا بلدي هانعلٍّي صوتنا ننطق ونعوّض صمتنا
هنبيع أروحنا ليكي وفداكي دمنا
وترجع الشريفه ونرد ليها دينها وترجع العفيفه جوه في حضننا

سلام السلاح

في ظل ما يحيط بنا من أعداء كان النداء ولأجل الرغبه في الجود والعطاء
كانت-------------------------------------> التلبيه

آه يا سلاحي تكلم ...وأسمعهم صرخات جنوني
آه يا سلاحي طلقاتك تٌشفيني... وتبرِّد نيران جفوني
فالله الله يا عرب ...هاتوا السلاح ومدوني
لا لا لن أبغي تعاونكم ...فيقيني بالله يقيني
أرضي عرضي يٌمزقها يأكلٌها... عدو غاشم صهيوني
أراها صارخة فيٍّا ...لن أرضي ذلا يا خليلي
أراها تستغرب حالا ...من قال الكثره والقيل
أراها تٌسعد أوقاتا ...من شاب لبّي في الحين
إني أسمعها أسمعها ...أغصان الزيتون تٌناديني
ألا انهض وكفاك من الغفله... فدمائٌك يا شهيد تٌرويني
أأغفل عن نصرة وطني ...كلا فالله وحده يكفيني
لن أصغي لدعوي كاذبة... بكثير الورق تٌعميني
سأنهض يا أقصي لا تحزن... فشوقي إليك وحنيني
سأنهض يا أقصي لا تحزن ...فسٌكن الجنة يٌرضيني
دمعي م الشوق أنهارٌ... لشهادة فيكي تحميني
أعتابٌك يا أقصي وعاءٌ ...لدمائي وملاذ لنظرات عيوني
لدمائي للحور مهرٌ... أشمّ لهن رياحين
فالأقصي يبغي أمجادا ...تٌعلي رايته بالدين

الأقصي نادي

الأقصي نادي ومين يلبٍّي غير الشريف أبو دم حٌر
الأقصي شامخ مستني قدره يجيله يمحي كل شر

البسمه للطفل الجريح الحجره في إيد البريء بتسعده بتصبره علي الهوان علي اللي كان من صمتكم

نعلٍّي صوتنا بالكلام نقول دا ماسكينه اللئام عملنا ايه عشانه ايه اسكتوا من فضلكم

كل واحد سمعه راح قاعدين وشايفين الجراح قاعدين نقول أصله بعيد أيوه بعيد عن قلبكم

الأقصي لو مش طايله إيد تتمد له تمسح دموعه هينادي ربه ينقذه ويطهره دام عزكم دام عزكم

الوليد أصبح شهيد والأقصي نادي من جديد يا مين يقوله روحي فداك وقدري ربطته معاك أكيد اللي
هقول دا ابنكم

بدور عليكي

بدور عليكي وانتي تايهه بين الزحام
واتمني اشوفك يوم نهارك مبسوطه وبعيد عن اللئام
يا مصر يا بلدي صعبانه عليّا طردونا منك واحنا الكرام
واحنا اللي بينا بتكوني زهره وتكون سماكي ما فيها غمام
واحنا اللي قولنا وياما قولنا وعشانك انتي كان الكلام
واحنا اللي شلنا كفنّا بسعاده يوم ما ناديتي تعالوا قوام
ما يوم سابونا نحب فيكي علي طول سجونهم حابسه الحمام
يا مصر قومي واحنا معاكي ايدينا بإيديك ما في ظلم دام
وإن يوم طلبتي دمّي فداكي فدا دمع عينك حقيقي يا بلدي مش أوهام
وأوعي تطاطي ما كتير طاطينا أنا م النهارده مش م العوام
أنا م النهارده مالك إرادتي عاشق ترابك واقف ببابك هأصرخ وأقول أنا مش خدّام
ولا عمري كان أملي صغيّر ولا عمري ليكي هكون هدّام
دا أنا اللي عاوزه إني أزقك وشويه شويه تكوني قدّام
يا مصر عاوزك تبقي نسمه سابقه كل الكون بخطوه دايما تكوني في الامام
كل اللي حاسه ليكي عاوزه معاكي وبيكي نعمل حقايق ونتوب بقي م الأحلام
دا يوم سعادتك بألف يوم ويوم لما تبقي يعني حزينه نمسحه وما نعده أبدا م الأيام

ايه يا بلدي

ايه يا بلدي ياللي دمي بحبك انتي غذّي قلبي
ايه بلدي رايحه فين ماشيه سايبه الكل هدّي
زعلانه مني طيب ما انتي ياما كتير سامحتي
يلا سامحي وارجعيلي روحت جيت انتي أمي